ကွယ်လွန်သွားသူ ရေမဆေးသမားလေး တက္ကသိုလ်ပထမနှစ်ကျောင်းသား မောင်လှိုင်မင်းဦး
အဘဦးညွန့်သောင် နံကပ် တစ် ထပ်တိုက် အိမ်ကလေးဆီ ခြေတစ် လှမ်းချင်း လှမ်းဝင်လာခဲ့ပါသည်။ စေ့ထားသော တံခါးမကြီးကို အသာအယာဖွင့်လိုက်သည်။ အိမ်ထဲတွင် တစ်ဦးတစ်ယောက်မျှ ရှိ မနေပါ။ သည်အိမ်ကလေးသည် သမီးကြီးတို့မိသားစု နောင်တစ် ချိန် ရွာပြန်လာလျှင် မိသားစုအတူတကွ နေထိုင်ကြဖို့ တည်ဆောက် ထားခြင်းဖြစ်သည်။ စုစုပေါင်း မိသားစုလေးယောက်သာရှိသော သမီးကြီးတို့မိသားစုအဖို့ ဤတိုက်ကလေးသည် မကျဉ်းလွန်းမကျယ် လွန်း အနေတော်ပင်။
အိမ်နံရံပေါ်တွင်တော့ ဤအိမ်ကလေးပိုင်ရှင် မိသားစု၏အလှူလုပ်စဉ်က အမှတ်တရ ဓာတ်ပုံတွေ ဘောင်သွင်းကာ တန်းစီချိတ်ထားသည်။ အလှူ့ဒါယိ ကာမကြီးကတော့ ဦးညွန့်သောင်၏ သမီးကြီး မဗိုလ်မဖြစ်သည်။ဘေးမှာတော့ သူ့အမျိုးသားရယ်၊သူ့သား၊ သူ့သမီးရယ် ပြုံးလို့ပျော်လို့ ရွှင်လို့မြူးလို့။ သားကြီးသြရသ ဖြစ်သူ အဘဦးညွန့်သောင်၏ မြေး ကြီး မောင်လှိုင်မင်းဦးဆိုလျှင်သွား ၃၂ ချောင်းလုံးပေါ်အောင်ပင် ရယ်နေလေသည်။ ထိုအပျော်တွေအပျော်တွေ ယခင်က ဖြစ်ခဲ့ပါ သည်။ ယခုတော့ အရာအားလုံး ပြီးဆုံးသွားခဲ့လေပြီ။
ဦးညွန့်သောင်တို့ မိသားစုက စစ်ကိုင်းတိုင်းဒေသကြီး တန့်ဆည်မြို့နယ် မြောက်အင်းကျေး ရွာက ဖြစ်သည်။ သားသမီးခုနစ် ယောက်ရှိသည့်အနက် ဒုတိယသမီး မဗိုလ်မက သူ့ထက် (၁၁) နှစ်ကြီးသည့် တစ်နယ်တည်းသား နှင့် အိမ်ထောင်ကျကာ သားသမီး နှစ်ယောက်ထွန်းကားခဲ့ပါသည်။ သားကြီးကတော့ ဤဇာတ်လမ်း၏ ဇာတ်လိုက် မောင်လှိုင်မင်းဦး ပင်။ အိမ်ကတော့ ကိုမင်းဟု ခေါ်ကြသည်။
ကိုမင်းလေး ငါးတန်း၊ အငယ်မလေး နှစ်တန်းလောက်အ ရောက်မှာ သမီးကြီးတို့လင်မယား လုပ်ငန်းကိုင်ငန်း အဆင်မပြေ တော့၍ ဖားကန့်သွားပြီး အလုပ်လုပ်ခဲ့ကြသည်။ သူတို့သားသမီးနှစ်ယောက်က အဘဦးညွန့် သောင်တို့နှင့် ကျန်ခဲ့သည်။ မြေးကြီး ကိုမင်းက အရွယ်နှင့်မလိုက်အောင် သိတတ်လိမ္မာသူလေးဖြစ် သည်။ အဘိုးနှင့် အဘွားကိုလည်း အင်မတန်ချစ်သည်။ သူ့အမေကြီးကို အမေဟုသာခေါ်သည်။ ငယ်ငယ်ကတည်းက အမေကြီး နို့ပိန်ကို စရင်းနောက်ရင်း လာလာစို့ သည့် မြေးကြီးဖြစ်သည်။
အဖေအမေက တစ်နယ်မှာ သက်စွန့်ဆံဖျား ငွေရှာနေရချိန် မြေးနှစ်ယောက်လုံး စာကြိုးစား ကြ၊ လိမ္မာကြပါသည်။ ကိုမင်းလေးကဆိုလျှင် အိမ်အလုပ်ကို လည်း မညည်းမညူကူလုပ်သည်။ ထင်းခွဲသည်။ ချိုးရေသုံးရေ မပြတ်ပြည့်အောင်ခပ်သည်။ အဘကကျန်းမာရေးမကောင်း၍ ဆေးရုံတက်ရလျှင်လည်း လူငယ်ပေသိသူပဲဒိုင်ခံစောင့်သည်။ အဘသက်သာရဲ့လား၊ ညောင်းနေလားဆိုပြီး မပြောမဆို နှိပ်ပေးတတ်တာ လည်း ကိုမင်းဖြစ်သည်။ မြေးကြီးက ဆေးလိပ်တို့၊ အရက်တို့လည်း မသောက်၊ ကွမ်းလည်းမစား၊ အနေကလည်း အေးလွန်းလှ သည်။ အရပ်ငါးပေတစ်ဆယ်နှင့် အသက် (၁၉)နှစ်အရွယ် လူရိုး လေးဖြစ်သည်။
မြေးကြီးသည် စာလည်းကြိုးစားပါသည်။ ဆရာဝန်ဖြစ်ချင် ကြောင်းလည်း ပြောဖူးသည်။ သို့သော် ဘယ်လိုဖြစ်တယ်မသိ ဆယ်တန်းတွင် ဆရာတွေက ဂုဏ်ထူး တွေပင်မှန်းခဲ့သော်လည်း အောင်စာရင်းထွက်တော့ ကျရှာလေ သည်။ သို့သော် သူဇွဲမလျှော့၊ နောက်တစ်နှစ် ဆက်ဖြေသည်။ ၂၀၁၉ မှာ မြေးကြီး အောင်မြင် ခဲ့ပါသည်။
အောင်စာရင်းမထွက်ခင်က တည်းက မြေးကြီးသည် သူ့မိဘတွေရှိရာ ဖားကန့်သို့ တစ်လှည့်သွားနေခဲ့ပါသည်။ ပထမအကြိမ်ဖြေပြီးတော့လည်း ဖားကန့်တက် အလုပ်လုပ်သေးသည်။ အဘိုး အဘွားတွေကတော့မသိ။ ဆယ်တန်းကို ဒုတိယအကြိမ် ပြန်တက် ရတော့ သူ့လုပ်အားခလေးတွေ ရယ်၊ မိဘနှင့် အဘိုးအဘွားတွေ စိုက်ပေးတာတွေဖြင့် ဘော်ဒါ တက်ခဲ့ပါသည်။ ဆယ်တန်းစရိတ် သူ့အားသူကိုးရှာခဲ့သူဖြစ်သည်။
အောင်စာရင်းထွက်တော့ ပြန်လာခဲ့ပြီး တက္ကသိုလ်လျှောက် ဖို့ပြင်သည်။ မြေးကြီးသည် လူငယ် သဘာဝမို့ သူ့သူငယ်ချင်းတွေလိုနေ့ကျောင်း (ဒေး)တက်ချင်ပုံရသည်။ သို့သော် အဘိုးအဘွား ရော၊ သူ့အမေတို့ကိုရော ဖွင့် မပြော။ မပူဆာ။ သူ့မိဘတွေအလုပ်မဖြစ်တာ ၂ နှစ်လောက်ရှိ ပြီဆိုတာကို သူသိသည်။ ရွာမှာနံကပ် တစ်ထပ်တိုက်လေး ဆောက်တာတောင် ငွေမရှိလို့ ရပ်ထားရ၍ အုတ်တွေပင်ပုံထားရ သည်။ နောက်ဆုံးတော့ အဝေး သင်ပဲလျှောက်လိုက်လေသည်။
အဝေးသင်လျှောက်ပြီး တော့ မိဘတွေရှိသည့် ဖားကန့် ကို ပြန်တက်သွားခဲ့သည်။ အဘတို့ နောက်မှ သိရသည်က မြေးကြီး ရေမဆေးသမားလေးဖြစ်နေပြီတဲ့ လေ။ တက္ကသိုလ်ကျောင်းသား ကြီးဖြစ်တော့မှာမို့ မိဘတွေ ရင်မမောရအောင် ကျောင်းစရိတ်ရှာ နေကြောင်း သိရတော့ စိတ်ထဲမကောင်း။ ဖားကန့် ရေမဆေးသမားတွေက အသက်အန္တရာယ် များလှသဖြင့် အမေကြီးရော အဘပါ စိတ်ပူခဲ့ရသည်။ သို့သော် မကြာမကြာ အဘိုးအဘွားတွေဆီ ဖုန်းဆက်ပါသည်။ ဟိုမှာက သူ့မိဘတွေရော ဦးလေးတွေ၊ ညီအစ်ကိုတွေပါ ဆွေမျိုးတစ်သိုက်ရှိ သဖြင့် စိတ်အေးခဲ့ရသည်။
မြေးကြီးအဖေက အသက်ပိုကြီးသဖြင့် အသက် (၅၀) ကျော်ပြီ။ နောင်တစ်ချိန် သူ့အဖေ၏တာဝန်တွေ ပခုံးပြောင်းတာဝန်ယူ ဖို့ သူတွေးထားပုံရသည်။ သူ့ အဖေ အသက်ကြီးလာသောကြောင့် ဖားကန့်မှာ သက်စွန့်ဆံဖျား လုပ်စေချင်ပုံမရ။ သို့သော် မလုပ်လို့ လည်း မရသေးသည်မို့ သူကိုယ်တိုင်လိုက်ကူရင်း မိသားစုတာဝန်ဝင်ကူထမ်းတော့သည်။ မိသားစုမှာလည်း မြေးကြီး၏ ဝင်ငွေတိုးလာသဖြင့် အသက်ရှူချောင်ခွင့်ရ ခဲ့ပါသည်။
မြေးကြီးက ပထမနှစ် စတက်ရတော့မည်ဖြစ်သဖြင့် ကျောင်းတက်လျှင် အများနည်းတူဝတ်ချင် စားချင်ပေလိမ့်မည်။ ထို့အတွက် မိဘကိုရသမျှဝင်ငွေအပ်ရင်း စုလည်းစုခိုင်းထားပါ သည်။ ဒေးကျောင်းသားဖြစ်ခွင့် မရသော်လည်း တက်ခွင့်ရသည့်အဝေးသင်ရက်ကလေးတွေမှာ လူငယ်သဘာဝ ပျော်ပျော်ပါးပါး တက်ခွင့်ရချင်ပုံရသည်။
မြေးကြီးတို့ ညီအစ်ကိုဝမ်းကွဲ တွေက မိုးရွာလျှင် လုပ်ကွက်ထဲ မဆင်းကြပါ။ အန္တရာယ်များ၍ ဖြစ် သည်။ သို့သော် ထိုနေ့ကတော့ ရာသီဥတု မကောင်းလှသော် လည်း မြေးကြီးတို့ လုပ်ကွက် ထဲဆင်းခဲ့ကြသည်။ ဦးလေးတစ်ယောက်က ဝမ်းကိုက်နေ၍ မလိုက်ဖြစ်။ နောက်တစ်ယောက်က လည်း ပဲအိုးပြုတ်ထားတာ မနူးသေး၍ နောက်မှလိုက်ခဲ့မယ်ဟု ပြောသည်။ သူ့အဖေကလည်း သိပ်ကျန်းမာရေးကောင်းပုံမရ။ သို့သော် လိုက်လာသည်။ မြေးကြီး က ပြောသေးသည်။ ‘‘စောစော သွားမှ နေရာကောင်းရမှာ’’တဲ့။ မနက် ၆ နာရီမထိုးခင် ထွက်ခဲ့ ကြသည်။
လုပ်ကွက်ထဲလုပ်နေရင်း အချိန်အနည်းငယ်ကြာတော့ ထမင်းထုပ်သွားယူဖို့ပြင်သည်။ သူ့အဖေက မြေးကြီးကို သွားယူခိုင်းသည်။မြေးကြီးက ‘‘အဖေသွားလိုက်ပါတော့။ သားလုပ်ထားလိုက်မယ်’’ဟု ပြောသည်။ အဖေကို တတ် နိုင်သမျှ ရသလောက်အချိန်လေး အန္တရာယ်ကင်းစေလိုသည့် မြေး ကြီးဖြစ်သည်။ သူ့အဖေကလည်း သူ့သားသဘောအတိုင်း ထမင်း ထုပ်ယူရန် ပြန်ထွက်ဖို့ပြင်သည်။ပတ်လမ်းကသွားလျှင် ဝေး၍ ကြာသောကြောင့် ဖြတ်လမ်းဖြစ်သည့် အတက်ကို ပြန်တက်ကာ တစ်ဖက်ကို ဆင်းသွားသည်။ သူဆင်းပြီး မကြာခင် မြေစာပုံကြီးသည် တဝေါဝေါ ပြိုပါလေတော့သည်။ မြေးကြီးတို့ ရေမဆေးသမား ပေါင်းများစွာ မြေစာပုံအောက် ရေအောက်နွံထဲ တဝုန်းဝုန်းနစ် မြုပ်သွားခဲ့လေတော့သည်။
အဘဦးညွန့်သောင်မှာ သားတွေရော၊ သမက်တွေရော၊ မြေးတွေရောရှိသဖြင့် ပူလိုက်ရတာ များ။ အမေကြီးဆိုလျှင် မျက်ရည်နှင့်မျက်ခွက်။ ဖားကန့်က ဖုန်းကိုပဲ မျှော်နေရသည်။ အဘတို့ရွာမှာ ဖားကန့်သွားအလုပ်လုပ်ရင်း အသက်ပေးခဲ့ရသူတွေက ၁၀ ဦးကျော်ခဲ့ပြီ။ အရွယ်ကောင်းလေး တွေ။ ဇနီးတွေ၊ သားတွေ၊ သမီး တွေထားခဲ့ရသူတွေ မနည်းတော့။လွန်ခဲ့သည့် ၁၅ ရက်လောက်က ပင် အဘ၏သား ဖားကန့်မှာ အလုပ်လုပ်နေသည့် သားတစ် ယောက် ကျန်းမာရေးမကောင်း၍ ကွယ်လွန်ခဲ့ပြီးပြီ။ ယခုတစ်ခေါက် ဘယ်သူ့ကိုများ ဆုံးရှုံးရမှာပါ လိမ့်။
အပျက်အစီးမရှိစေရန် ဆု တောင်းခဲ့ကြသော်လည်း ဆုတောင်းမပြည့်ခဲ့။ အဘတို့၊ အမေကြီးတို့၏ ချစ်လှစွာသော မြေးကြီးကိုမင်းတစ်ယောက် ပစ်လိုက်ရ ပြီတဲ့။
အမေကြီးခမျာ အိပ်ရာပေါ် ခွေခွေလေးသာ လှဲနေရတော့ သည်။ မြေးကြီးစကားတွေသာ နားထဲကြားနေရသည်။ ‘‘အမေ သားအဆင်ပြေတာနဲ့ ပြန်လာမှာ နော်’’တဲ့။ တန်ခူးလတုန်းက တောင် ပြန်လာသေးသည့် မြေးကြီး ကိုမင်း။ လော့ခ်ဒေါင်းတွေချတော့မှာမို့ ဖားကန့်အမြန်ပြေး သွားရသည်။ ဖားကန့်အလုပ်သွား လုပ်ရင်း စပါးသိမ်းချိန် နတ်တော်၊ ပြာသိုဆို ပြန်ရောက်လာသည်။ အဘပင်ပန်းမှာစိုးလို့ လာကူတာ တဲ့။ ပြောသွားသေးသည်။ ‘‘ဒီနှစ်စပါးသိမ်းရင်လည်း ပြန်လာကူမှာစိတ်ချအဘ’’တဲ့။ ကျောင်းတက် ရင်လည်း ပြန်လာမယ်တဲ့။ ခုတော့ ဘယ်တော့မှ ပြန်မလာနိုင်တော့ပြီ။
သမီးကြီးတို့မိသားစု တစ် ခေါက်တလေပြန်လာလျှင် ထိုတိုက်ပုကလေးထဲမှာ ရယ်မောသံတွေ ဆူညံနေလေ့ရှိပါသည်။ အနေတည်သော တက္ကသိုလ် ကျောင်းသားလောင်းကြီး မောင်လှိုင်မင်းဦးပင် ရယ်မောနေလေ့ရှိ သည်။ ထိုမြင်ကွင်းကို အိမ်တန်း လျားလေးထဲကနေ အဘိုးအဘွား နှစ်ယောက် ထိုင်ကြည့်ရင်း ကြည်နူးမိခဲ့ကြပါသည်။ ယခုတော့ ထိုအိမ်ကလေးမှာ တိတ်ဆိတ်ငြိမ် သက် ခြောက်ကပ်နေခဲ့ပြီ။ သမီးတို့ပြန်လာလျှင်လည်း ထိုအိမ်ကလေးမှာ ရယ်မောသံတွေ ကြား ရဖို့မလွယ်တော့။ နံရံပေါ်က ဗီနိုင်းပေါ်မှာတော့ မြေးကြီးက မောင်ရှင်လောင်းဝတ်စုံကြီးဖြင့် ရယ်လို့ မောလို့ ရွှင်လို့ပြုံးလို့။
7Day
.
0 Comments